a Begleedung vum Mr. Science an dem Pianist Marc Schmidt
Dir sidd häerzlech invitéiert op e gesellegen Owend mat de Frënn vum natur musée,
Freides de 26. Januar um 18.30 Auer am natur musée am Gronn.
Um Programm:
Begréissung mat Usprooch vum President Jim Meisch
Naturwëssenschaftlech Experimenter mam Mr. Science.
De Mr. Science, mat richtegem Numm Joseph Rodesch schafft beim Fonds natonal de la Recherche als Mediateur. Hie presentéiert eis deen Owend e puer super interessant naturwëssenschaftlech Experimenter.
Nom Aperitif geet et lëschteg weider mat typesch Lëtzebuerger Spezialitéiten, enger gudder Zopp a Pianosmusek fir matzesange mam Pianist Marc Schmidt, bekannt aus dem Café des Artistes am Gronn.
Schluss géint 22.30 Auer
Mellt Iech w.e.g. un bis spéitstens den 19. Januar op eiser neier Mailadress: info@amnhn.lu
Onkäschtebeitrag: et ass eng Invitatioun, exklusiv fir d’Frënn vum natur musée, déi hir Cotisatioun 2024 fir 1 oder 1+1 bezuelt hunn. All Don ass natierlech wëllkomm!